東網電視
更多新聞短片
「驕陽明駒」(右二)與「喜蓮勇感」(中)有望構成翻版Q。
最近香港都頻頻跑大賽，今個禮拜日輪到4歲馬經典賽事系列次關，途程1800米香港經典盃，今場比頭關香港經典一哩賽出馬比較踴躍，14隻滿額，兼且有巴米高、薛恩、莫雅同埋連達文呢啲好手在陣，戲碼都算幾精彩。
講番香港經典一哩賽，最終由高分嘅「驕陽明駒」、「喜蓮勇感」包辦連贏，始終此類平磅賽，高分馬係比較着數，就算睇番之前香港經典盃嘅往績，都係細冧巴嘅參戰馬成績較好，嚟到今屆其實都係得兩駒評90分以上，就係「驕陽明駒」及「喜蓮勇感」，本身優勢已經明顯，而且佢哋仲分別抽2、1檔，真係運都贏埋，睇嚟呢條翻版Q，應該好易開出啦。
