【新馬名字】美麗一定撈亂一定美麗？馬名風再起時啱晒鵬哥

今日馬會公布新馬名字，郭氏有兩隻蔡廐馬改名，一隻叫「美麗一定」，一隻叫「美麗之光」，「一定美麗」現役已經有隻，今次調番轉叫「美麗一定」，係咪幕後太多馬，改名有難度呢？至於成功獲續牌的容天鵬，今日都有匹新馬改名叫「風再起時」，即係以前哥哥張國榮歌名，馬名又幾貼切鵬哥現時情況，呢隻馬未來港前曾在考菲爾德堅尼預賽G3跑季軍，前景唔錯，希望鵬哥早日病愈，再創佳績喇。