東網電視
更多新聞短片
薛兆恆(左)尋日於南澳首次上陣。(圖片：Racing SA)
呂廐副練兼前騎師薛順強嘅兒子薛兆恆，加入馬會出任見習學員已經有一段時間，最近終於可以去澳洲南澳嘅阿德萊德市，跟隨練馬師郭朗堅及奧力基學藝，大家都好期待呢位學員可以盡快上陣兼贏馬。
雖然薛兆恆上個月尾先正式獲發牌，但估唔到咁快獲得出賽機會，佢尋日喺南澳嘅麥磊橋馬場首度登場，頭場1100米賽事策騎郭朗堅及奧力基馬房嘅4歲馬 Lady Of Savoy上陣，沿途放頭，拉士力弱取得取得第4名，表現不差，而薛兆恆亦喺自己社交平台話終於夢想成真，完成自己首場賽事，仲話仍有不少改進空間，亦期待第2次嘅出賽機會。
