東網電視
更多新聞短片
鄭俊偉再搵黃智弘騎「好如意」爭跨季孖寶。
1/2
跑完國際賽，戰況又會集中返本地賽事，一班喺成績榜中下游嘅騎練，都要加把勁，而喺季初以快打慢，搶咗6W嘅鄭俊偉，以為成績可以持續穩進，不過跑落就連養馬差唔多嘅徐雨石，已經累積咗7W迎頭趕上。
唔經唔覺，自從10月16日贏完「木火龍駒」之後，已經好耐無贏馬，若然呢個禮拜嘅賽期都無贏馬，就會守齋兩個月，相信練者亦想盡快扭轉頹勢，事關就連蔡約翰都要追數嘅時候，仲有黎昭昇，以呢兩個倉兵源，只要撳掣反彈，相信成績唔單只過頭，而且仲會愈拉愈遠，更何況仲有爭取達標嘅丁冠豪，所以米高哥都係想積極打破悶局，盡快重響勝鼓。
過咗香港國際賽周，鄭俊偉於今期夜賽，即刻出馬6匹，對於今季復出嘅「好如意」，米高哥對於呢類傷患底子馬匹，都係養好伺機而動，今季晨課工夫唔算太辣，但埋門試閘唔算差，上季養番好畀黃智弘執番場頭馬，雖然埋門曾經搵楊明綸試閘，練者最終都係搵番呢個贏馬組合，今次刻意憑新鮮跑短，又睇吓米高哥呢個如意算盤，可唔可以成功打響。
「好如意」上季尾取勝於谷草一哩，新季復出縮程跑短。
