港澳版>新聞>中港台
  • 希威森失而復得 重拾精英勇士帥權

    香港時間
    01月23日(四) 14:40
    東網電視
    更多新聞短片
    「精英勇士」上季尾喺希威森胯下一出即勝。
    呂健威旗下質新賽駒「精英勇士」上季尾跑新馬賽,喺希威森胯下兩戰1冠1亞,惟落敗一役希威森騎法備受質疑,最終幕後喺今個夏天決定換人。
    威哥起初搵嚟潘頓幫手,呢位42歲澳洲籍騎師先後4次策騎「精英勇士」快跳,亦試過一課泥閘同一課草閘。及後希威森曾策騎馬匹快跳,之後交由何澤堯接手,但最終出賽嗰日何澤堯因身體不適避戰,最後由董明朗策騎出賽。
    上仗賽後何澤堯曾策騎「精英勇士」出試泥閘,可見幕後仍屬意起用呢位華將一哥,奈何何澤堯今場要騎「膨才」,最終「精英勇士」帥權兜兜轉轉落返喺希威森手上。希威森今次真係要好好把握呢個機會,如果唔係下場隨時再失帥權。
    感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。