東網電視
更多新聞短片
第6場四班1650米泥地，東廐「加州星馳」上季到港法國自購新馬，至今4戰未入過三甲，更多番未能展現過具競爭力。不過，「加州星馳」前仗突然安排出爭田泥1200米，喺湯普新胯下第5名過終點，以3個半身位負於「良駒好友」，末段愈騎愈有，演出相對草地賽可以話變成另一匹馬，睇嚟暫時應以泥地屬最佳出路。
「加州星馳」上賽回師草地賽再一次打回原形，幕後已一再仄準性能，因此，復課後除咗正常操練之外，2月中更安排試了到港後首課泥地大閘，「加州星馳」起步依然慢咗少少，不過三幾步已從內欄發力竄上，居馬群中前列位置，沿途走來從容不迫，入正直路逐步移出望空，鞍上人輕韁催策之下馬匹加速竄上，全程走位5 4 3，見到效果不錯即響最後100米收韁完成，整個過程流暢利落，成熟程度大躍進。「加州星馳」今次再向泥地進軍兼增程跑一哩，預期更合腳法，加上同場對手未算太強，遇冷值得一博。
■陳志懷
