東網電視
更多新聞短片
游達榮今早追住接「連連歡呼」，並不斷追問鞍上人操後感，鏡頭令人側目。
1/3
今季有不少賽駒可以攞勤工獎，其中有份獲提名的游廐馬「連連歡呼」季內已跑過11仗，共獲4亞1季3殿，硬係贏唔到，不過又經常輸近，畀到憧憬你。而游達榮對此駒可算落咗成擔心機去部署，無論田草、泥地及谷草都跑過曬，無非都係想幫馬主交代，睇番上場跑谷草1650米入Q，只係輸畀頭馬「紅海勁」短馬頭位，乃季內輸得最接近的一次，評分亦終於止跌回升，今勻續由賀銘年執韁爭同程，有埋4檔好位，好大餐士面，可望坐正。
然而，游達榮對「連連歡呼」今早由助手於大圈的最後試跑考驗零舍着緊，課後立即走到機坪隧道口恭迎，當他正準備聽取鞍上人操後感時，馬匹依然火噴噴，並急急腳返馬房，即使練者未能追得上，但仍從後豎起耳仔洗耳恭聽，鏡頭令人側目！
游達榮洗耳恭聽。
「連連歡呼」由助手於大圈快跳800米。
