東網電視
更多新聞短片
1/2
上期沙田日賽星光熠熠，多位星級騎師離港後，今期谷夜即刻失色不少，停賽及養傷嘅騎師有8位，現有42W在手嘅布文自然手執不少好馬，不過布文今季發揮不時引起馬迷熱烈討論，睇啱佢坐騎都要有心理準備。事實上，雖然布文成日留到後一後，但直路成功望空，的確係可發揮得清脆利落，單睇「首飾天空」前仗P都冇，上場拉出外疊衝得好就知。
布文今期有唔少實力坐騎，筆者揀到當中第3場三班1650米的「獨角獸」，上次操足而臨點知衝閘退出，試閘走勢段段有，重返谷草一哩首本路程可予重視。
騰龍四海演出穩
第4場四班1200米的「騰龍四海」屢戰田草表現穩定，只是近仗難再有突破，轉爭谷草對手減弱，抽埋1檔唔塞車有權再贏。
