東網電視
更多新聞短片
第2場四班1200米，「金風萬里」上仗後上跑季軍。
1/2
現時已有10場頭馬在手嘅黎昭昇，喺下半季要力爭上岸，需要唔少質新子彈幫手至得。今期沙田日賽，黎廐本來有4駒列作正選，不過早前就有「捷足奔馳」以後備身份補入。黎廐5匹參戰馬之中，列陣第2場四班1200米嘅「金風萬里」，上場初出成為1.9倍大熱門，雖慢閘失先機，但仍追上一席第3。
潘頓仍在養傷，未能再次夥拍「金風萬里」上陣，今次黎昭昇安排布文上陣。黎昭昇接受訪問時提到「金風萬里」，他表示「金風萬里」的確有慢閘問題，馬兒需要多幾場賽事以提升信心和習慣香港環境，但練者認為慢閘不會是長期問題，而近日馬房上下亦針對「金風萬里」閘廂問題下不少工夫，教閘、試閘等，希望馬兒可改善出閘問題。
今次「金風萬里」初戴羊毛額箍，黎昭昇表示起用此配備，原意想馬匹停止四處張望，惟奏效與否需待出賽認證，不過「金風萬里」試閘走勢不錯，屆時出閘順利的話，有權在這場爭勝，而練者亦相信此駒日後在港會有亮麗前景。
「金風萬里」於2月25日由布文試閘。
