東網電視
更多新聞短片
視頻觀看次數: 82.7k
1/9
今日第1次幫師傅賀賢贏馬的黃寶妮，到第7場三班泥1200米又再有另一個「第1次」，就係第1次在港起孖喇~佢接手文哥匹「自強不息」出戰，原本呢隻孭135磅，但用小妮子減10磅只負125磅，結果擺前走同縮程而來的布文坐騎「晶晶日上」纏鬥，雖然一度落後，不過臨終點回氣反先，今日兩場泥地黃寶妮贏晒，佢今季泥地頭馬已升到7W，壓住霍宏聲居榜首，佢跑泥地擺前走真係好有計！是場跑第3、4名，係內欄攝上的「假面騎士」及班德禮15倍冷門「喜旺駒」。
贏到21W嘅文家良，話「自強不息」今場刻意搵黃寶妮減10磅，雖然末段贏得險，但騎師發揮好，自己有馬要擺前邊走，都會減10磅善用優勢，不過今日贏馬後要升二班，要睇賽程安排部署。值得一提，文家良成日畀泥地馬小妹搏架，今季已經攜手贏5W，成績真係好勁！
第7場賽果：1-2-3-6
二重彩賽果：1-2(最後賠率71)
好風騷呀~
文家良成日畀泥地馬佢搏。
頭馬相。
黃寶妮憑「自強不息」首次起孖。
「自強不息」同「晶晶日上」纏鬥。
文家良合十。
叻女。
「自強不息」終點前反先。
