東網電視
更多新聞短片
1/5
第9場三班田草1400米，3戰3勝的「膨才」成為大熱，不過今次掛頭牌頂在三疊衝落只係第3，至於上次贏馬的「鐵金剛」，開竅後今次回升三班續進，差咗再贏呀，不過鬥落輸畀希威森匹「穿甲戰鷹」。呢隻廖廐馬近期好多仗用森仔，但就搏極都贏唔到，早前362場次騎者末段盲頭烏蠅亂咁爭位，搞到成隻馬跳起差啲落樓添，最終撞到人要停賽...不過今次人馬終於做齣好戲，拉士忍到最後200米才施全力，頂住對手衝刺首度出頭，希威森都起個孖贏到15W，今期佢成績低迷，今日有表現有振奮作用呀~
贏到31W嘅廖康銘，話「穿甲戰鷹」之前幾場際遇唔好，而且馬匹衝程唔長，需要拿挰好發力點，今次希威森守到好位，發揮出色，之前「穿甲戰鷹」試過1600米效果麻麻，依家都應該跑住1400米先。
第9場賽果:11-5-1-12
二重彩賽果：11-5(最後賠率20)
「穿甲戰鷹」拍住亞、季軍鬥後勁。
廖康銘與馬主。
希威森幫「穿甲戰鷹」頂到尾。
森仔繼2月9日後再度起孖。
