東網電視
更多新聞短片
「老撾」系星期三晚強陣出擊，好大機會會喺凱旋門見面。
「佛亮老撾」及「浪漫老撾」上仗分別不敵「美麗緣分」及「太陽勇士」兩匹谷草好手，兩駒今期再出，連同新勝馬「閃亮老撾」，強陣出擊。
告東尼旗下嘅「佛亮老撾」初出首兩仗喺田草跑1400米無功而還，上仗初跑谷草1200米交出不錯走勢，可惜後上不及，最終以個多馬位不敵今季喺谷草4勝嘅「美麗緣分」跑第2名，今回再出排3檔，絕對有權補中。
而「浪漫老撾」上仗面對跑馬地百萬挑戰盃冠軍「太陽勇士」，最終僅以1個馬位落敗摘亞，今仗亦排3檔，重配季內贏馬拍檔周俊樂，有望取得今季第2捷。
