東網電視
更多新聞短片
「有目共賞」剛周日(9日)贏馬，穩奪打吡入場券。
1/2
剛周日(9日)沙田日賽，第10場二班1800米，呢場唔少4歲馬參戰嘅場合，務求得到最後入場券出戰打吡，結果呢場賽事由湯普新所策騎嘅蔡廐馬「有目共賞」勝出。「有目共賞」喺呢場賽事係蝕磅出戰，所以賽後被加11分，依家已經係86分賽駒，穩奪打吡入場券，馬主盧楚鏘先生名下愛駒首次出戰打吡，相信佢都好開心！
而湯普新今日(11日)透露，自己將會夥拍「有目共賞」出戰3月23日舉行出戰4歲馬2000米香港打吡大賽，佢就表示好開心可以得到出戰打吡嘅機會，以「有目共賞」剛戰1800米留後衝得咁好，相信佢跑2000米亦有長力應付。
湯普新(左)十分感恩得到機會出戰香港打吡大賽。
