東網電視
更多新聞短片
奧爾民成功續牌至季尾。
1/2
昨日(3月10日)馬會牌委會公布，本來在港短期客串嘅奧爾民將會續牌至季尾。奧爾民作為3屆昆士蘭冠軍騎師，喺澳洲發展尚算順利，但其實佢一直都想渴望來港一展拳腳，現時得到機會來港，短期內又交到頭馬證明實力，現時得到唔少馬主、練馬師支持，騎者當然開心。
今期跑馬地夜賽，奧爾民將策騎6駒上陣，6匹坐騎均來自唔同馬房，支持度愈來愈好。其中第2場四班1650米，奧爾民將騎「錢多多」上陣，此駒上仗出戰1650米田泥賽事，出閘即拋跌黃寶妮，結果空馬跑足全程，賽後當然要考閘。練者安排「錢多多」從化考閘，由奧爾民主理，考閘合格後亦給予機會予騎者，且看今次出戰贏馬路程能否還以顏色。
另外第7場三班1200米「四季醒」季初二班起步，現時評分已下調至70分，上仗已在奧爾民胯下走勢復甦跑入第4名。既然馬匹重拾狀態，當然可繼續關注。
「四季醒」(藍白間條)上仗走勢復甦。
