東網電視
更多新聞短片
「追風」上仗輸際遇。
羅富全馬房向來都係大馬房，唔少馬主支持全哥，而佢都盡力為唔同馬主爭取頭馬，麾下唔少賽駒亦扶搖直上，交出穩定表現。羅廐暫時取得28場頭馬，排喺練馬師榜第8位，但其實頭馬數字同前7位相差甚少，隨時1個賽日連番數胡，已有權攀上更高名次。
羅廐喺今期跑馬地夜賽派出6駒正選列陣，其中第6場四班1200米「紅衣醒目」初出當然惹人注目，但同晚賽事，第5場四班1650米，愛爾蘭錦標，羅廐「追風」今季已在同程交出兩捷成績，季內7仗之中，只得1仗甩獎金名次。羅富全提到「追風」時表示，上仗馬匹出閘時有碰撞，導致走位比預期後，際遇平平，雖然上仗追勢仍好，但始終是後追不及。練者相信，此駒最佳跑法跟守好位競跑，因此駒有喘勁，加上現時狀態仍佳，今次抽到4檔起步，只要守到好位，相信仍可爭一席位。
