【三T】$200萬三T明就明

今次賽事三T未有多寶累積，預計$10一注獨中派彩有$200萬。今次三T最看好的騎師為蔡明紹及潘明輝兩位華將，希望佢哋兩位可以照亮我哋。首關蔡明紹坐騎「爆笑」最穩健，此駒早前在四班跑谷中一哩，曾經連續3仗不勝有位，上仗突然挑戰三班還要排個11檔，客觀形勢欠佳之下居然亦只負個多馬位，今次重返四班又可講惡。次關潘明輝坐騎「運來伍寶」雖然排10檔，但此駒慣性後追，影響尚不算很大，上仗配馬昆留到幾近包尾但餘勢不俗，今次回配最合拍潘明輝，要跟。尾關潘明輝「還看今朝」後勁強，同場快馬多，步速一旦扯快，此駒有權後發先至。