东网电视
更多新闻短片
由麦浚龙(Juno)执导，云集金城武、古天乐、刘青云和梁家辉等大卡士演员嘅电影《风林火山》，早喺2017年完成拍辑，但之后一直就做后期，上映无期，直到最近就传出有机会喺今年4月上映，相信好多人都好期待呢出只闻电梯响嘅大制作。
当然《风林火山》究竟几时先上，一切仍有唔少变数。但今个礼拜六如果入嚟沙田马场，就有机会睇到“风林火山”，事关有匹叫做“风林火山”嘅赛驹出战第4场四班田草1200米，交畀女见习生黄宝妮执缰，唔知会唔会畀到惊喜大家？
呢匹4岁澳洲PPG，今季出道表现乏善足陈，3战皆北兼且愈输愈远，今次缩程跑田草1200米，重戴眼罩上阵，埋门交畀黄宝妮试咗课泥闸，喜见马匹有啲前速，今次抽1档好位，不妨留意吓走势。
