東網電視
更多新聞短片
葉楚航今早衝落隧道底迎接「耀昌勝世」，有圖有真相。
1/5
昨晚葉楚航憑「好精神」勝出季內第19場頭馬，快將2字頭，成績持續向好，可謂欲罷不能，今早練者未夠5點已現身烽火台，第一時間將望遠鏡及計時器放上枱面，適逢係葉廐出戰周末沙田賽事的參戰馬最後試跑課期，明刀明槍要乘勝追擊。
期間，航哥搏殺鏡頭浪接浪，先有鍾易禮過檔前澳門賽駒「耀昌勝世」(第10場)於大圈快試，課後練者立即衝落隧道底接馬，兼向鞍上人面授機宜，動態既積極又神秘，須知此駒於澳門也是跑幾場才入局，較為慢熱，如今在港已經過兩場熱身，隨時變身都唔出奇。
天光後，航哥特登企出烽火台外面，務求睇到整條大直路，並舉鏡吼實「水龍頭」(第2場)、「戀愛狂」(第4場)，分別由蔡明紹同田泰安於大圈快跳考驗，其中新勝猶勇的「戀愛狂」抖足1個月才上陣，打王牌續爭草地1200米，賺體力兼儲足新鮮感，且看安仔能否順道憑此駒替自己打破4期不勝悶局？
「耀昌勝世」鍾易禮
航哥睇到相當肉緊。
「水龍頭」蔡明紹
「戀愛狂」田泰安
