东网电视
更多新闻短片
奥尔民宁愿放弃卫冕冠军头衔，毅然选择留港发展。
成为雷霆救兵之一嘅奥尔民，依家身分有变，早前获得马会提早续牌，畀佢客串到季尾，对于佢嚟讲，初期抵埗都已经表明心迹，好希望借今次客串机会，能够争取在港长驻发展，依家都可以讲系心愿达成。
其实喺奥尔民来港前，佢于布里斯班骑师榜仲以45W排头位，不过佢来港行程，难免对当地骑师榜形势有变，目前佢嘅领导位置，已经畀女见习骑师Emily Lang所取代，后者以46W反先奥尔民，另一位锺嫣笑(Angela Jones)以42W排第3，如今少咗奥尔民，今届布里斯班冠军骑师之争，大有机会成为两位女将之争。
以奥尔文贵为布里斯班冠军骑师，近季已经连赢3届，相比之下，争取卫冕4连霸，抑或要抓紧来港发展机会，呢位长人骑师嘅目标，其实已经难得好清晰，更难得仲系短短时间已经赢马企稳阵脚。
姚本辉向来都系新骑师救星，对于奥尔文亦都好撑场，骑者来港2W更系出自佢马房，今期赛事再度合作，当中头马“全神贯注”于头场排好档争取连捷，而第2场“烈火骏马”今次换人首度合作，又睇吓辉哥呢个如意算盘，能否打得响。
