港澳版>新聞>中港台
  • 《風林火山》就快上映?先爆風林火山?!

    香港時間
    03月13日(四) 11:54
    東網電視
    更多新聞短片
    由麥浚龍(Juno)執導,雲集金城武、古天樂、劉青雲和梁家輝等大卡士演員嘅電影《風林火山》,早喺2017年完成拍輯,但之後一直就做後期,上映無期,直到最近就傳出有機會喺今年4月上映,相信好多人都好期待呢齣只聞電梯響嘅大製作。
    當然《風林火山》究竟幾時先上,一切仍有唔少變數。但今個禮拜六如果入嚟沙田馬場,就有機會睇到「風林火山」,事關有匹叫做「風林火山」嘅賽駒出戰第4場四班田草1200米,交畀女見習生黃寶妮執韁,唔知會唔會畀到驚喜大家?
    呢匹4歲澳洲PPG,今季出道表現乏善足陳,3戰皆北兼且愈輸愈遠,今次縮程跑田草1200米,重戴眼罩上陣,埋門交畀黃寶妮試咗課泥閘,喜見馬匹有啲前速,今次抽1檔好位,不妨留意吓走勢。
    關鍵字
    感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。