東網電視
更多新聞短片
第4場四班1200米，游達榮馬房「一定超」初試啼聲，3歲新西蘭自購新馬賽前3試大閘，課課有走勢，同場「跨境寶馬」想添食？要問過佢！
「一定超」早於去年11月到港，踱咗兩星期慢工夫後已有快跳操練，進度嚟得比預期快，12月中開始快跳、12月尾更安排連番拍跳打磨，進度甚佳。1月尾便安排試大閘，嗰課從化1200米草閘，走位3 3 3 ，全程三疊望空之下，直路唔斷，過終點後仍有餘勢，反映能力絕非平庸。2月中再試第2課田泥1200米閘，一改戰術留前試後，起步反應唔慢，刻意緊韁拖實留於尾二位置，沿途跟走姿態從容，入直路後向外移出望空，推騎下逐步加速從後撲上，交出強勁衝刺力。
本月初試第3課，「一定超」加交叉鼻箍出試，起步後再一次留守於後，直路從外疊輕騎撲上，終點前短頭僅勝「綠野飛馳」，「綠野飛馳」雖然未曾出賽，但7試大閘取2冠3亞1季，呢課閘高水準不用置疑。
■陳志懷
