東網電視
更多新聞短片
1/2
周五朝有3匹參戰馬到大圈操練，由助手主試，「話你知」跳兩段，快開衝刺凌厲，有火有力，觀感不遜贏馬時候；「陽光勇士」一貫生猛主動想走，神生步爽弗到震；「烈火駿馬」冇扭計好專注，外觀對辦仍具好感。以下是心水推介：
第3場「可靠大師」身形大大隻，加上毛色金光閃閃，予人一見傾心之感，首兩課閘潘頓出試，近兩課在從化閘亦同樣由騎師考驗，而近兩課閘更分列冠、亞軍，表現出色。
第6場「開心五月」之前急口搶放表現唔差，上仗唔放留住跑即入Q，今戰排1檔可繼續留守包廂好位，而且剛周四艾兆禮過檔出試，「開心五月」冇搶口淡淡定，人馬顯得好合拍，狀態亦愈來愈好。
第9場「至尊高超」愈跑愈進步，上仗1400米跑出1分20秒93，更是季內三班第2快時間，今戰照舊北上從化備戰，包括3月7日再試多課閘，該課閘有前有後，姿態輕鬆，更重要係細馬喼到靚身形。
