東網電視
更多新聞短片
1/2
伍鵬志馬房「神駒馬靈」在港15戰都未贏過，今仗降五班依然被捧成2.4倍大熱門，結果喺艾道拿胯下順利打開勝利之門，馬房靜咗4期之後亦再次贏馬。今場跑第2名為巴度「皮具大師」，賀銘年「駿彩飛馳」跑第3，第4名為潘明輝「領航傳祺」。
賽後，伍鵬志表示「神駒馬靈」跑至今仗先出頭，其實唔可以話失望，隻馬係需要時間去學識出頭。今場賽事步速中段加快，「神駒馬靈」似乎跑五班步速仲好過四班步速，沿途跟得輕鬆，雖然只係贏五班賽事，但隻馬其實喺四班跑啲有水準嘅賽事都接近過，希望今次出頭後可以學識，繼續交出好表現。「神駒馬靈」曾於1600米至2000米跑得接近，回升四班後部署彈性，但隻馬需要賽事步速及形勢配合，艾道拿賽後都話步速快少少會幫到隻馬。
第2場賽果：5-13-4-10
二重彩賽果：5-13(最後賠率41)
艾道拿頻頻贏馬。
