東網電視
更多新聞短片
視頻觀看次數: 4.5k
有機會入馬房探訪名駒！快投選你最喜愛香港打吡馬匹！
「年少多好」今季一直近而未勝，今仗面對再次少少嘅對手，被捧成1.9倍全熱門，喺霍宏聲胯下採取一貫放頭跑法，直路以為到之際，冷不防艾兆禮「顏色之皇」殺到，兩駒最後影相分勝負，結果「顏色之皇」勝出，「年少多好」再次飲恨跑第2。同時，今場係艾兆禮首次與游達榮合作贏馬，且看兩人之後會否再加強合作。
賽後，游達榮表示「顏色之皇」今場贏馬過程刺激，賽事亦緊湊，今場睇片覺得自己輸，但艾兆禮覺得自己會贏，最後贏到當然開心，多謝馬主買入此駒。「顏色之皇」上場喺田草已經跑得好，佢認為「顏色之皇」擅跑谷草，所以今場安排轉爭窄場，但無疑係挑戰，依家已證明能力。「顏色之皇」日後應可扳上1200米，同埋會係一匹唔錯嘅谷草馬。
今場跑第3名為布文「寰宇豐采」，潘明輝「好多利高」跑第4。
第2場賽果：3-2-1-6
二重彩賽果：3-2(最後賠率16)
