【三T】$200萬三T布喜訊

今次賽事三T未有多寶累積，預計$10一注獨中派彩有$200萬。今次三T最看好的騎師為布文，下次日賽潘頓就復出，趁此時刻兼為大賽日，相信布文亦會賣力演出。首關「快樂高球」已經連續3次賽事殺入第2名，今次毅然增程多跑200米，相信難度不高，畢竟此駒上季已贏至1400米，氣量方面必無懷疑，加上跑法主動亦係一大可取處。次關「宜春火力」亦係牌面之選，上季72分贏馬之後全力減分，如今已回降至70分，上仗有飛即入Q只負於「神馳」，今次不放手，必有後着。尾關「滿心星」表現準繩，至今已連續4仗不勝有位，本身跑法機動兼有一哩長力，可信。