東網電視
更多新聞短片
1/7
第6場四班田草1600米，初跑此程的「八仟財陞」，沿途雖然要莫雷拉力騎，但直路彎後在外欄撲上甚勁，最終力克亞軍「滿心星」贏馬，至於跑第3名係平頭「時時稱心」及「精算特殊」，雷神今日起個孖好威水，賽後佢堅開心呀~
羅富全話「八仟財陞」上場跑完之後潘頓早過莫雷拉打電話索騎，本身自己諗住潘頓打吡復出都畀佢跑，但佢後尾又唔得，就畀番莫雷拉，而莫雷拉上場都同隻馬夾過一次，今次人馬再次合作終可奏凱，莫雷拉賽後匯報馬匹懶性重，好早要畀，相信此駒都係啲要人不斷提醒嘅賽駒，而馬匹日後再增程至1800米至2000米都不成問題，所以諗番起「八仟財陞」初出贏1000米都覺得有趣，不過莫雷拉下場好大機會騎唔番，會再視乎加分幅度，睇吓同潘頓夾唔夾到期跑。
第6場賽果：4-7-(3-13平頭季軍)
二重彩賽果：4-7(最後賠率88)
「八仟財陞」在外欄衝好韌。
雷神彎位發力跑法奏效，賽後送飛吻呀~
「八仟財陞」熱門取勝。
羅富全呢件綵衣馬成日搵雷神贏，對上一匹就係「八仟師」。
今日佢起孖氹粉絲。
頭馬相。
