東網電視
更多新聞短片
1/6
客串騎師金誠剛，之前一路都贏唔到馬，但今晚發市當三年，先贏「超加加」再勝「川河型駒」，到第7場四班泥1200米，再得輝哥關照，騎初出做足功夫嘅「扶搖勢勁」直路中段已透出，今晚騎3隻全部贏晒呀。是場跑第2、3名，係走入馬林左穿右插的「錶之星河」及最大冧巴馬「五福星」。
姚本輝表示「扶搖勢勁」從化試閘課比課進步，從化向來一個對馬匹好好嘅地方，初出馬排3檔當然有優勢，如果檔位較外就難啲處理，馬匹轉彎前都唔係好知點做，但入直路受騎受鞭反應好。「扶搖勢勁」從化草地同泥地閘都試得唔錯，但草地性能如何就要返草地跑先答到大家。雖然梁家俊本身有幫「扶搖勢勁」試閘，但箇中有啲誤會，所以就搵金誠剛跑，不過運氣嘅嘢兜兜轉轉，轉頭可能畀番家俊跑都唔奇。
講番金誠剛，佢咁遲先交到成績，跑埋下周三就會走人，大家想再買佢，唯有等下次客串期喇。
第7場賽果：3-5-12-1
二重彩賽果：3-5(最後賠率32)
金誠剛原來就快走架喇~
「扶搖勢勁」一出即勝，前景甚佳。
金誠剛3出3捷，但其實係黐輝哥咋~
頭馬相。
「扶搖勢勁」直路鬥衝。