東網電視
更多新聞短片
「綠色巨人」早前試閘已經由布文考驗，所以由佢騎都係好合理。
馬會啱啱公布周三跑馬地賽事，第2場四班谷草2200米嘅廖廐馬「綠色巨人」，改由布文策騎，而此駒今朝排位公布時嘅騎師係希威森。
其實「綠色巨人」輸完上仗田草1800米後，復課試咗課1600米沙田草閘，已經係由布文考驗，而根據最初資料呢匹4歲馬亦卜咗布文策騎，莫非係馬房入面有人搞錯，令今朝排位時入錯紙？其實係今年1月中，廖廐嘅「愛心神駒」都試過排位入錯紙，無端端由配潘明輝變咗做霍宏聲，最後都係喺排位當日改番用潘明輝，而廖康銘因今次錯誤罰咗5000元，唔知今次會點呢？
