禪修茹素大半年 馬賽發福復工

[18:19] 05/11/2014
東網電視
更多新聞短片

受艷舞事件困擾避走英國進修演藝課程的無綫女藝員馬賽,停工近三個月後正式復工,備戰演出新劇《東坡家事》,當現身將軍澳電視城試造型時,立即成為焦點,她表示在劇中飾演琴操姑娘一角,由於對歐陽震華傾慕,會有好多對手戲。

英國同學以為得十幾歲

在英國讀書個多月,馬賽明顯增磅,面部有點圓潤,但狀態好Fit、精神奕奕,她說:「喺英國學嘢,每日跑步,又冇人識得我,同學相處得好開心,佢哋以為我得十幾歲。(有冇艷遇?)就算有我都感覺唔到啦!(已經收拾好心情?)心情好番晒,有好多正能量,自己每日禪修,茹素咗大半年,(準備好復出?)呢一年經歷咗好多,係好大教訓,亦係學習機會,依家會重新努力工作,唔開心嘅嘢已經放低晒。(驚唔驚畀人講?)唔驚,活在當下。」她又自言現時首要任務是減肥,並為新劇練書法及古箏。