胡渭康開騷勁大膽 攞老闆緋聞開玩笑
20180203
東網電視
更多新聞短片
William同老闆都幾好感情可以咁玩！
歌手胡渭康（William）在旺角麥花臣場舉行演唱會，身穿灰色中國長衫的William在台上感謝老闆林建名抱病現身支持：「我話出CD佢就出，我話開演唱會佢就開，佢坐完長途機冇乜點休息都支持我。」
攞老闆緋聞開玩笑
William介紹第二位嘉賓何傲兒（Lily）時，笑言她拍親拖都係爛桃花，又謂Lily大個女要帶眼識人，此時，身穿花長裙的Lily坐在古箏旁，準備演繹歌曲《菊花台》時，William向台下的老闆林建名說：「使唔使抹吓眼水？其實都係新聞嚟，大家開心啫。」待演唱完畢，William再次下台，其後，Lily個人演唱完後，有小Fans上台獻花，更獲Lily嘴對嘴親吻。
大跳貼身舞
William換上西裝上台，自彈自唱半首《越難越愛》，在William演唱期間更捕足到抱病的林建名邊睇騷邊食藥。之後唱至歌曲《紅》、《蔓珠沙華》及《芳華絕代》時更與女舞蹈員大跳貼身舞，非常火辣！
譚玉瑛拆解唔做兒童節目主持原因
演唱會亦安排一個兒歌環節，再換上鮮粉紅色西裝的William親自邀請譚玉瑛上台演唱《430穿梭機》，William指：「同譚玉瑛姐姐好有緣分，當時去做兒童節目嘅暑期工識。」譚玉瑛回答：「當時你咁高，都唔知當你大人定小朋友好！」她又笑言以前有人睇兒童節目就做主持，到依家都冇人睇就冇做。唱畢後送譚玉瑛落台時，同樣身穿鮮粉紅色西裝外套的露雲娜現身舞台唱出《傳說》。此部分最後一首歌曲《頑童》交由創作人黃尚偉父子伴奏下唱出，螢光幕則顯示Fans溫馨的家庭照。
來到尾段時間，William除了與無伴奏合唱團演繹《憑着愛》，更演唱特意為演唱會創作的新歌《鏡花》。
----------------------------
東網巨星開咗ig喇，大家快啲follow啦！