東網電視
更多新聞短片
movin'預告開騷有驚喜。
1/3
創作樂隊movin'將於十一月七日舉行出道後第二次的音樂會「DOUBLE LIVE」。今次除了會有不少cover作品之外，更會為大家帶來多首他們這一段時間每位成員所創作的作品，部分是完全未曾公開過，movin'五子希望到時候會有新鮮感給大家！
音樂會當晚更會有兩位女歌手作為神秘嘉賓，希望當晚有更多音樂火花併發出來！今次音樂會取名「DOUBLE LIVE」，因為五位成員都各有正職，但亦不想浪費光陰，於是把握時間去做自己喜歡音樂，五子一起唱一起笑，即使多累都不會放棄每一個可以與音樂連繫的機會，表達一種現實與夢想交織的雙重生活「DOUBLE LIFE」。
隊長兼吉他手Steve力Sell當晚音樂會將令歌迷有咁happy得咁happy：「我哋五個好想當晚嚟聽嘅朋友可以放低工作，一齊於音樂裏面有鬆弛嘅一晚，同時真係好想去畀更多朋友知道，點忙都要把握時間做自己喜歡嘅事情。不單會忘記生活上嘅不如意，仲會搵到更多快樂嘅意義。」鼓手Alien說：「哈哈無錯，我今次會將上年第一次音樂會所帶畀大家嘅遊戲，喺呢次更大場地再同大家有更多互動。」而琴手Benedict說：「今次除咗會cover其他歌手嘅作品，都想藉今次音樂會畀一直陪我們的朋友，由busking開始每次都嚟睇嘅朋友一個新鮮感。」
movin'今次音樂會取名為「DOUBLE LIVE」。
movin'認真練習。
