全裸未夠激！宋承憲唔排除再有突破演出

韓國型男宋承憲在港出席時裝活動，吸引約二百名途人與粉絲到場圍觀。他在兩名貼身保鏢護送下進場，同行還有他的經理人和翻譯。他全情表現親民，一直保持燦爛笑容，進場期間又與圍觀的粉絲握手，接受訪問前亦有跟粉絲揮手。<br/><br/>自認睇港片大<br/><br/>問到他昨日抵港時在機場看到香港的粉絲如此熱情是否很開心？他說：「係呀，我差唔多一年無嚟，啱啱喺上海拍完戲。嚟到見到啲粉絲咁熱情，覺得好開心、好興奮、好感動。（喺上海拍戲感覺點？）今次有咁好嘅機會喺中國大陸拍戲，同啲咁出色嘅中國演員同導演拍戲，好開心，咁嘅合作十幾年前都試過，都希望可以再嚟香港跟大家見面。（想唔想喺中國逗留多啲時間發展？）都有興趣，如果有機會同埋有好劇本都希望可以喺中國大陸同香港發展。（想同邊個影星合作？）我睇港產片長大，想同成龍、鞏俐合作，好多都想合作，希望有好劇本可以合作。（電影《帥哥的噩夢》飾演公務員有咩準備？）之前演嘅角色比較強，今次做普通嘅公務員係最近似自己嘅角色。（你喺電影《人間中毒》近乎全裸演出，嚟緊會唔會有更大突破？）我係專業演員，唔會話因為角色而拒絕接呢啲戲，如果有機會需要再突破可以消化到。」訪問完畢他又再次跟粉絲揮手。<br/><br/>另外，宋承憲被問到今日發生韓國女團4minute演出時，發生通風口倒塌事故，造成逾30多人傷亡，其經理人代為表示不回應事件。