東網電視
更多新聞短片
過氣緋聞男女阿佘、Chilam同場現身，仲有講有笑好Friend！
1/9
佘詩曼（阿佘）及張智霖（Chilam）出席《TVB周刊最強人氣品牌大獎2014》頒獎典禮，兩人獲頒「最強人氣廣告天王天后」殊榮，胡楓及羅蘭則獲頒「最強人氣廣告拍檔」。
Chilam身穿西裝，一貫男神look出席，阿佘則穿上黑白色高貴晚裝，香肩位更有透視設計。兩人表示很開心得到廣告商支持及信任，問到是否賺到豬籠入水？兩人卻三緘其口，阿佘說：「冇正式計過，好多廣告客戶都相識十年以上，係朋友關係。（得獎後加價？）交畀經理人，最開心係行街成日見到自己。」Chilam就說：「最緊要大家都好，雙贏局面！（加價？）咦？係喎！但其實冇諗過。」
Chilam：我幫佢化吓妝，佢幫我剃吓鬚
曾傳出緋聞的他們，透露多年前曾合作拍婚紗廣告，Chilam笑言兩人仍有很多可能性：「可以合作拍運動品牌廣告，或者係化妝品，我幫佢化吓妝，又或者係賣鬚刨，佢幫我剃吓鬚。」問到會否與太太袁詠儀合作拍廣告，Chilam晒命說：「其實不嬲好多人搵我哋。」在旁的阿佘即風騷向Chilam批肘，並說：「發達啦你！」Chilam續說：「但好多係食得嘅嘢，好似奶粉咁，要好清楚成份先會做代言。」
提到林峯將不出席無綫台慶頒獎禮，問到其拍檔阿佘會否擔心阿峯因此失獎？她說：「可能佢突然趕到嚟呢？我自己就投咗佢票，今年係一人一票好公平，睇邊個Fans多。Chilam亦說：「未必唔到就冇獎嘅！講開又講，今年我想做頒獎嘉賓喎！」他表示睇好阿佘奪視后，氹得阿佘笑逐顏開，視帝方面，Chilam得知有林峯、黎耀祥、郭晉安及陳展鵬等角逐後說：「個個都好，個個都獨當一面。」
拎咗最強人氣廣告天后嘅阿佘，冇講自己近排賺咗幾多。
手指指咁喎。
少女阿佘蔣家旻（左）同翻版Cool魔張振朗（右），遇上真阿佘（左二）同真Cool魔（右二）。
Chilam出道幾耐，就做咗男神幾耐，賺得多都正常。
阿佘風騷拍Chilam心口。
Chilam：扮我扮得好似喎！（設計對白）
Chilam（左）都話同阿佘仲有好多合作空間。
受訪嗰陣，Chilam（左）繼續對阿佘手指指。
