東網電視
更多新聞短片
陳嘉寶學做打女，但就話畀師傅嫌筋骨太硬。
1/3
藝人陳嘉寶（Anjaylia）出席慈善衛衣展覽活動，她表示還未準備聖誕節會怎樣過，不過平安夜就會與家人吃晚餐，而男朋友亦表示會加入，更已經訂好枱，問到是否順便見家長，她說：「其實佢哋都見過好多次㗎喇！」
努力拉筋踢腿
Anjaylia又透露正為了新工作而忙於學習武術，但就被師傅說她的筋骨太硬：「接嗰個Project係關身手好好事嘅，但佢哋睇過我，話我全身係無肌肉含量嘅，師傅仲話有十幾年無見過啲筋咁硬嘅女仔！」她表示現在每天在家拉筋、踢腿，體重有因此而減少，而她雖然一開始會感到吃力，但愈做愈順：「之前會搵啲樓梯嚟拉筋，初頭淨係檻到兩三級，依家愈檻愈高就好開心，希望拍出來嘅效果會好，唔會覺得我係喺度擺Pose或者好流。」
至於之後會否希望向打女方面發展，她說：「都有興趣㗎！因為都想自己可以多一個戲路，之前有演員因為拍戲都攞到跆拳道黑帶，都想睇吓自己有無可能做到。」
而提到Anjaylia之前就讀的樹仁大學的餐廳發生火警，她說：「咁就真係無嘢好食喇喎！因為樹仁得一個Canteen係好食嘅，如果火燭埋都幾慘，不過最緊要係無人受傷！」
陳嘉寶仲話師傅佢哋話佢全身係無肌肉含量添！
陳嘉寶話男友已經見過家長好多次架喇。
