張智霖爆太太陪揀衫用多一倍時間

張智霖（Chilam）對於獲得「優秀流行國語歌曲金獎」，笑言自己都忘了何時奪過此獎，不過都多謝大會對他過去一年的肯定：「自己花咗好長時間喺香港，又開演唱會、出碟。」他又談到太太袁詠儀（靚靚）有份為他挑選今晚的戰衣，笑言：「有佢嘅出現，揀衫嘅時間係多咗一倍。（即係好定唔好？）梗係好啦！」他又謂兒子魔童和靚靚今晚都會守住電視看他得獎。<br/><br/>爆太太韓國買爆喼<br/><br/>另外，後日他就會飛到韓國繼續拍攝大陸真人騷：「呢個騷真係好好，可以寓工作於娛樂，今次仲會去十日，有兩日仲係自己。上次靚靚去到仲買爆喼，簡直大出血，都唔知佢買咁多面膜做乜，不過佢都係送畀人。（唔帶囝囝去？）因為佢要返學。但自己係食貨，去到都會狂食，希望唔會肥太多。（自由嗰兩日會做乜？）留嚟去整容，哈。」Chilam又談到早前在演唱會上曾答應跟靚靚六十歲時再拍婚紗相，而他們在真人騷內亦有挑戰化老妝拍婚紗相。