東網電視
更多新聞短片
謝安琪身穿一對設計特別的高跟鞋，鞋形向前彎之餘，近8吋的「新高點」，故其自嘲又矮又渣。
1/6
歌手謝安琪（Kay）於十大中文金曲頒獎禮勇奪三個獎項，訪問時問到每次在台上都要扶着咪Stand，Kay解釋道：「晏晝綵排時，大會知道我對鞋係新嘅，個設計向前彎，第一次着唔慣，所以特別為我安排咗個禮儀先生扶我上台，又係台上準備個咪Stand，好體貼。」Kay又自嘲生得矮，所以今日所穿的鞋比平日高6吋，是近8吋的「新高點」，講到全場得她一個要人攙扶，她就笑說：「因為我比較渣，着高跟鞋唔係特別叻。」
談及早前於叱咤提早離去，缺席慶功宴，Kay直言：「嗰日全日都唔舒服，手凍腳凍咁，當時冇人知賽果，同事仲諗緊使唔使去醫院，所以最後未完騷就走咗。」講到之前公司有另一解說是去補妝，Kay即尷尬說：「都係，就係補妝時發現手凍腳凍，每個人都有自己原因，我都冇預自己會嘔，係嗰一刻嘅選擇。」她又表示將會在香港拍劇，近期沒有接太多內地騷。
謝安琪勇奪三個獎項。
謝安琪唱歌都需要咪Stand。
謝安琪笑說：「因為我比較渣，着高跟鞋唔係特別叻。」
謝安琪需要禮儀先生扶上台。
謝安琪講述上次叱咤時缺席的原由。
