魯芬歎李光洙蛋撻大讚有禮

藝人魯芬接受電台訪問，談及近日跟韓星李光洙拍攝賀年糖果廣告大受歡迎，她表示廣告用了兩天時間拍攝，事前與光洙有充足溝通，拍攝得十分開心。

搞笑都好認真

魯芬BB又大讚光洙有禮貌、客氣：「佢一嚟就同我90度鞠躬，又成日畀咖啡、蛋撻我食，臨走嗰陣又成Team（隊）人過嚟我間房，我以為發生咩事啦…點知原來係同我say goodbye！呢啲以前喺香港我冇享受過囉！有時啲新朋友入行冇人教，但我入行27年，見到啲長輩都會自動埋去打招呼，所以依家真係現眼報，好開心有人咁尊重我，香港就冇呢啲事，所以我覺得呢啲禮貌就要畀人學習。」問兩位搞笑之人合作可有經常忍不住笑而NG？魯芬BB說：「咁又冇喎，我哋一埋位就好認真。」

自認有韓國Feel

談到有人指魯芬BB似足光洙拍檔金鐘國，她說：「不嬲都講啦，我似好多人嘅…韓紅、劉歡。（自己覺得似唔似？）我有啲韓國Feel，韓Feel重！（光洙有冇覺得你似？）反而冇，不過佢啲助手望過嚟（啲眼神）好得意。」

Keep Fat着旗袍

談到光洙半鹹淡廣東話像粗口諧音，她力撐：「咁樣先好玩！」廣告客戶亦覺得沒有問題。問酬勞？魯芬BB說：「梗係OK啦、梗係好啦、好過拍電影！（過肥年？）不嬲，我未試過為經濟擔憂，肥少少啦！開心嘅。」問在廣告中要穿旗袍，可有事前Keep Fit？她說：「冇喎！我要Keep住肥嘟嘟，咁樣先開心，所以我係Keep Fat！」