入英皇會發達？張敬軒：你睇霆鋒祖兒

張敬軒、林二汶、C AllStar、SIS樂印姊妹在將軍澳電視城為《勁歌金曲》擔任嘉賓，有指天后容祖兒榮升樓神，身家逾四億，軒仔笑說：「我成日都凝住入英皇呢間公司會發達，你睇霆鋒、祖兒、基仔，我都因為咁先簽。其實祖兒喺樂壇打拼咁耐，有咁嘅地位，有呢個數字唔出奇，應該有更多o添。」問軒仔會否請教祖兒投資之道？他笑說：「搵祖兒冇用，係auntie負責投資，應該要約auntie食飯。」

軒仔透露見樓價有回落都希望在今年置業，他說：「以前冇諗過喺香港買樓，依傢想置業係因為唔想再搬屋。不過啲樓價都好誇張，屯門都兩萬蚊尺，我初時嚟香港屯門一間四五百尺嘅屋只係幾十萬，當年買咗就發達。」

軒仔指買樓只會用來自住，投資會選擇工商大廈，升值會較快。問軒仔希望有幾多億物業？他笑說：「三億啦，我講回憶、失憶、思憶呀。」

林二汶被拍得愁爆照片，她表示：「唔係，嗰陣好多嘢處理緊，有啲忟憎，諗緊網上籌集資金出碟嘅定價啫。」