網民熱話：邊個係皇帝中嘅皇帝？

藝人江華近年鮮有喺電視機露面，不過香港人冇忘記佢！有唔少網友拎番佢曾經演出嘅多個經典角色嚟討論。江華除咗喺劇集《西遊記》飾演唐三藏為人熟悉，其實佢扮皇帝都好入型入格，有網友就開post問「最似皇帝係咪江華？」，原來江華扮過皇帝四次咁多，1999年《金玉滿堂》中飾演乾隆就充滿貴氣，喺2000年《楊貴妃》中飾演唐玄宗就表現出深情一面，而2003年《九五至尊》中飾演穿越古今嘅雍正，展示出搞笑一面，至於2004年喺《楚漢驕雄》扮演項羽就表現得相當有霸氣，唔少網友都大讚江華演過嘅皇帝角色，每個都呈現出唔同嘅感覺，稱得上係皇帝中嘅皇帝呀！

講到皇帝形象深入民心嘅，其實仲有喺《還珠格格》、《鐵齒銅牙紀曉嵐》中演乾隆演到有如「乾隆代言人」嘅內地藝人張鐵林。另外，更有網友搞笑咁話，其實最似皇帝嘅一定係陳豪，因為佢博學多才，連英文「check吓」都識，再一次證明網友抽水功力確實係堅！

網民有話兒：

職XXX手：諗唔到邊個做得似皇帝過佢，雍正、西楚霸王，佢既（嘅）氣勢真係無人能及

HXXXha：張國立係康熙，張鐵林係乾隆

緊XXX水：江華硬係有果（嗰）種九五之尊既（嘅）帝皇霸氣

HXXXit：一定係陳豪，博學多才，連英文都識既（嘅）古代皇帝

方XXX：95之尊明明著（着）現代衫又mak（擘）大腳咁坐真係好似皇帝