45吋巨肚出巡！Cara G.佗B心情靚

混血名模Cara G.出席時裝品牌活動，除與主持分享懷孕的喜悅，更即場調製Detox果汁給現場觀眾。她透露第二胎即將於今年七月尾生，會選擇在香港醫院自然分娩，預計即將出生的女兒星座會是獅子座：「我妹妺都係獅子座，而我就係白羊座，咁我同妹妹都玩得好癲！（預計BB女性格都會好強悍？）第一次陀India（大女）時佢好曳，不停喺我個肚度郁嚟郁去，而今次BB就比較乖！」<br/><br/>笑個肚大到似籃球<br/><br/>問到大女India是否知道自己即將會成姐姐，Cara則表示：「問佢知唔知BB喺邊，佢會指住我個肚話喺入面，不過佢年紀仲咁細，可能仲未可以了解到自己就做姐姐。（代India買份禮物畀BB？）佢已經讓咗半間房同玩具畀佢，其實有個妹妹陪伴已經係佢嘅禮物，雖然佢希望BB係男仔。」而對於同為名模的周汶錡現正懷孕，但腰圍只有三十三吋，Cara即場揭開衣服露出肚皮：「我冇特別度，但自己應該有四十五吋，大到好似籃球咁。」