母女檔包曉華孖劉雅麗出騷搵錢

劉雅麗媽媽包曉華在將軍澳電視城錄影無綫節目《Sunday靚聲王》。自嘲「老餅」的曉華姐就坦言經常到電視城「開工」：「囡囡入嚟做節目都會陪佢入嚟。」她又透露今集以「黃梅調」作主題：「同楊燕識咗好耐，但冇同台演出。」更指監製急Call女兒劉雅麗來幫手：「所以佢即刻返屋企化妝換衫，不過今次係喺台下度中途插幾句咁，唔清楚佢會唔會上鏡。」問囡囡是否有騷錢？她笑謂：「又唔好咁講，有得演出已經好好。」

她又透露5月會在新光戲院與其他歌手開演唱會，而6月就會與女兒到美國登台：「唱吓英文歌同自己嘅歌，輕鬆啲嘅。（順便遊埠？）帶埋老公去！唱完就會落拉斯維加斯度玩！」仲話自己做「跟得媽咪」，經常陪囡囡出騷：「佢哋成日同雅麗講叫佢媽咪客串吓，當係出騷咁！」