東網電視
更多新聞短片
薛家燕表示投資股票賺到笑，「丁蟹效應」已經失效破滅，她說：「因為秋官依家行緊運呀！」
1/2
藝人薛家燕帶同細女一齊出席韓國電影《上帝的男高音》首映。問為何帶同女兒來睇戲？她表示想與同為基督教徒的愛女一同感受戲中的勵志：「依家太多商業電影，好少呢類真人真事咁勵志嘅戲！人生有高低，主冇放棄我哋，要有恆心同珍惜每一日！」就快母親節，家燕姐表示已提早收到新手機及相機等生日禮物：「仲未學識晒點用，不過一齊食餐飯已經好好！」
而近日無綫重播《大時代》大受歡迎，家燕姐笑言之前在股票市場已賺到可觀數字：「我之前已經走咗啲，依家唔會走住喇，今日過咗302蚊本來都想走，都係唔好喇再等吓先！嚟緊我買嘅港交所同埋中交建都應該唔錯嘅！」她又笑這「丁蟹效應」已破滅：「秋官依家行緊運呀！」
薛家燕帶同細女Jamie（左）一齊睇好戲。
