梁敏儀遭淫媒氹上酒店：佢開價50至60萬

藝人梁敏儀出席電台訪問，透露因電影《鴨王》工作量上升，自己四、五月接了五十場騷，近排更積極北上登台搵人仔，大賺7位數。她笑言：「冇諗過套戲帶畀演員有咁多機會，我喺大陸登台都係唱歌，打碟留畀啲妹妹啦！依啲都係辛苦錢，搭飛機、坐車都辛苦。」<br/><br/>以內衣廣告做煙幕<br/><br/>敏儀指因長時間在內地工作，最近回香港才知道《鴨王》男主角何浩文被問價嘅報道。她即自爆四月底遇到淫媒：「當時有個女人喺微博私訊我，話想傾服裝品牌代言，通常依啲我都會叫朋友擋駕，傾傾吓又話簽兩年，影兩季衫、出3個event，講到似層層咁，就同個男性朋友約咗上個月27號喺置地文華見面。之後佢話好嘈，就上咗佢間房傾，畀咗好多資料我睇，係內衣睡衣代言。」<br/><br/>畀大筆錢利誘<br/><br/>敏儀續說個女人在洽談期間突然扯開話題，將她跟內地的炒作女星作比較：「佢話喺夜場唱歌都好辛苦，嗰刻我都覺得有問題，點解要將我同有接過嗰啲job嘅女artist比？仲問我有冇男朋友，之後叫我落番大堂，話要同我朋友傾吓。隔咗15分鐘，我朋友落嚟話個女人話畀筆錢佢，大約50至60萬，叫佢同我傾點分錢！」<br/><br/>其後，敏儀坦言今次已經是第二次遇到類似事件，仲大爆淫媒通常都會以工作利誘藝人「落搭」，而她就一向沒有理會這些人。