陳志嘉香港推出專輯　與馬賽合唱

歌手陳志嘉（KaKa）前年在廣州推出首張粵語唱片後，考慮兩年決定來港發行香港版本，他坦言因深知香港乃粵語文化根基，想幫手推廣粵語歌：「我新碟歌曲元素有大陸同香港文化，希望做到兩地交融。」今次他請來學校的師姐馬賽合唱，問為何邀請對方？他表示：「知道佢想有新嘗試，所以就搵佢。（佢唱成點？）聲底好好，有種甜嘅感覺。」同時他亦有關心師姐的負面新聞，得悉對方很堅強，心態亦變得平穩，所以並不擔心。

新碟歌曲由KaKa自己創作，不過他直言其創作及唱腔都跟隨偶像張敬軒的感覺：「初頭會勁模仿佢，監製都想我帶自己嘅嘢出嚟。」雖然新碟在廣州成績不俗，他對在香港成績卻沒抱太大期望，反而希望幫手推廣粵語歌文化。