陳定幫認百萬禮金男：撻Q因為醒覺

戴夢夢自搭上人夫朱翰博（Ricky）後，是非「鑊鑊甘」，有人爆料指Ricky嫂疑兩度撞破幽會，再被《東網》拍到夢夢與Ricky在街頭攬啜，夢夢似跟Ricky吵架時，更化身「股」神，當街剝裙發洩。

陳定幫寸爆：好驚訝

電視台主持人Kawaii爆夢夢曾向舊愛索100萬禮金，最後疑有人劈腿，令婚事撻Q。有指事件男主角是玄學家陳果齊兒子陳定幫，陳定幫接受《東網》電話訪問時坦承：「嗰個係我，不過百萬禮金係以訛傳訛，真正原因係臨結婚突然醒覺，覺得同夢夢性格唔夾，所以和平分手。」對於夢夢近日的是非，陳定幫寸爆說：「好驚訝，冇諗到佢咁激，睇報道知佢感情生活混亂，寄語佢好好生活，搞好男女關係。」陳定幫已與前藝人楊錳霏結婚，楊錳霏正是「500蚊支付22蚊的士費要求找贖」而掀起網上罵戰的港女。

Ricky嫂唔擔心老公

事件女主角夢夢一直避露面，Ricky的手機就接駁到長途電話，據其音樂學校職員透露，Ricky已出發到廣州分校。Ricky嫂亦透過WhatsApp回覆稱沒聯絡老公，提到有指夢夢拜金，問可會擔心老公？她說：「錢財身外物，冇了再賺就好。」另外，網上流傳一張Ricky嫂與王馨平父女等的合照，王馨平謂不認識Ricky嫂，相片是多年前在活動上所拍。