網民熱話:《愛‧回家》Emma真人唔見咗?

20150704
東網電視
更多新聞短片
喺《愛‧回家》飾演守雲開秘書Emma嘅王舒銳,有網民就話佢個Facebook同Instagram冇啦啦消失咗!

電視劇《愛‧回家》尋日播出最後一集,有網民亦即時回味當中出現過嘅女神,好似飾演守雲開秘書Emma嘅王舒銳(Ivana)更成為網民熱捧嘅女神!不過有網友近日就發現佢嘅facebook同instagram離奇消失,所去無蹤o添!

曾於劇中大晒長腿玉肩嘅Ivana,原來參選過2012年香港小姐競選,落選後就返理大讀書,之後再入訓練班一圓演藝夢。除咗出演《愛‧回家》,做過《安樂蝸》實習主持嘅佢憑住甜美笑容,成功吸引唔少粉絲,仲有網民特意發文尋人、想搵番佢個account:「好想見到佢出返嚟,佢笑得真係好甜,有冇人知唔知佢facebook係咪轉咗名?」

對於女神離奇消聲匿跡,有網民就話佢可能同朋友夾份做緊生意,仲提議一眾粉絲可以去吓佢朋友舖頭碰運氣:「可能做老闆娘啩, 佢有朋友喺九龍城開咗舖,可以去撞吓佢嘅!」

網民有話兒:
1xxopp:好想見到佢出反(返)嚟~佢笑得真係好甜~有無人知唔知佢facebook係咪轉咗名?
hieloxxx:之前安樂窩有一排好似都有佢,唔知仲有冇呢?
中年xx:可能做老闆娘掛(啩),佢有朋友係(喺)九龍城開左(咗)鋪(舖),可以去撞下(吓)佢既(嘅)
小貓喝xx牛:之前明明有follow佢ig同facebook……依家佢ig同facebook都唔見咗…