Ana R.佗B五個月　驚變大食怪

現時35歲的名模Ana R.與英籍老公Brad結婚一年多，一直不設防話想生B，今日下午終於傳來喜訊，原來Ana R.已經有咗五個月喇！Ana R.先後在Facebook和IG公布喜訊，上載了兩張相片，一張是與老公和愛犬的合照，並留言：「Mommy & Daddy are having a baby」，另一張即是單人照，暗示自己大肚叫人不要吸煙。

之後Ana所屬公司亦向傳媒宣布喜訊：「名模Ana R.有咗啦，今個禮拜已經係五個月身孕，預計11月生，佢覺得好開心，除咗可以達成佢一直想做媽媽嘅計劃，仲可以臨近聖誕迎接小生命。佢暫時唔肯定BB性別，但佢無所謂，最緊要健康。」

據知Ana R.懷孕至今不算辛苦，沒有嚴重嘔吐，她亦如常工作和做家務等，只是會容易感到疲倦，經常想睡覺。她懷孕後口味亦沒有大轉變，但就變得非常大食，很快會感到肚餓，一天要吃五餐。由於工作上需要，她仍會穿高跟鞋，但會份外小心。