吳保錡願為藝術犧牲　大談夢想女友

曾拍攝《奇緣灰姑娘》及《男人唔可以窮》等電影的男新人吳保錡（Kelvin）立志做「何浩文第二」又直言最想與王晶導演合作：「好鍾意睇晶哥啲戲，希望佢睇得起我！」除了拍戲，他亦對音樂有濃厚興趣：「結他、彈琴、跳舞、玩Beat box都鍾意！」作為一個新人，Kelvin坦言態度最緊要：「我會堅持！亦會嘗試多方面嘅突破，就好似張家輝咁，佢係我最欣賞嘅演員，真係為套戲去操練、去減磅！」

他又揚言未會為自己設「底線」，有幸「為藝術犧牲」拍有意義的情慾戲亦是樂事：「要露真係冇所謂，只要係一套好戲就ok！」除了拍戲，Kelvin亦想向多方面發展：「我本身好鍾意夾Band，有機會都會想玩吓音樂！」談到理想對象，Kelvin原來都受到韓流「吹襲」，挑選了Girl's Day成員惠利為夢中女友：「最鍾意佢夠真夠直，男仔頭又爽朗就最正！」