【經過那些年…】汪明荃《優秀選》得獎啦

藝人汪明荃（Liza）、吳若希（Jinny）、泳兒及樂隊Dear Jane等現身無綫電視城，出席《2015勁歌金曲優秀選第一回》。是非纏身的羅鈞滿雖有份擔任主持，但刻意行秘道迴避傳媒。

Liza憑着《華麗轉身》得獎，作為「勁歌」稀客的她談到得獎感受時，她說：「我從未攞過優秀選，歌曲獎就攞好多，大家一齊玩吓啦，多謝晒！（今後多啲出歌？）依家做歌好難，今次都係為劇集做歌。（會出席年尾總選？）未知，依家第一回啫，總有好多回，攞咗呢個先。（識唔識同場新一代歌手？）識，欣宜呀，新一代天王天后都喺度，個個都有特色，聲線又靚。」

Dear Jane表示正為9月13日九展Star Hall演唱會積極操肌，被問到是否晒肌會歌迷？成員Tim（黃天翱）信心十足說：「我驚到時（肌肉）收埋唔到呀！（老婆楊洛婷批准可晒肌？）佢鍾意呢啲，咁多年嚟未試過，畀佢摸吓囉！」