見姊妹結婚　吳若希恨嫁嗌羨慕

歌手吳若希（Jinny）到電視城出席《2015勁歌金曲優秀選第一回》，憑《美好的時光》及《眼淚的秘密》捧走兩獎，成為女歌手中成績最優秀之人，她謙稱：「多謝TVB嘅劇集。（汪明荃攞一首，你攞兩首？）因為我參加兩首歌。（你例不虛發？）咁啱啫，多謝TVB嘅劇集啦！（約緋聞男友溫家偉慶祝？）唔知佢有冇時間，我呢輪忙，佢都好似要拍嘢，都見唔到。（搬近啲方便見面？）暫時未搬住喎！」<br/><br/>為葉翠翠任姊妹的她，又謂本想搶花球，她說：「因為要工作所以同其他姊妹講咗，佢哋搶到要多謝我，因為少咗我同佢哋爭。（好恨嫁？）見到翠翠覺得好幸福，睇見人結婚，自己都有憧憬，到我會點呢？見翠翠爸爸講到喊，好感動，好羨慕。」